Johannesburg – Uzilolonga yedwa unozinti weBafana Bafana u-Itumeleng Khune ngemuva kokubuya eMauritius futhi engenalo neqembu asayine nalo ngokusho kombiko.
Kusukela ekuqaleni kwale nyanga lo nozinti obevimbile ngesikhathi iBafana ibhekene neMauritius akanalo iqembu nakuba sekuke kwaba nemibiko mayelana nezingxoxo zokubuyela kwiKaizer Chiefs.
Ngokubika kweSoccerLaduma uKhune uzilolonga yedwa ngenhloso yokuzigcina esesimweni kuze kube kuyamlungela ekutholeni iqembu azogijima kulona.
OLUNYE UDABA:Akukacaci ukuthi udedelwa ngaliphi owePirates oya eKZN
Ikusasa likaKhune libukeka lizomkhanyela njengoba kunamahlebezi mayelana nokujoyina iMamelodi Sundowns futhi kunamaqembu aphesheya azimisele ngaye nakuba kungacaci ukuthi uzoya kuphi.
Kulindeleke ukuthi kuccace maduze mayelana nekusasa likaKhune njengoba engomunye wabadlali abasezingeni kuleli futhi abanesipiliyoni naseqenjini lesizwe.
- “Like” ikhasi lethu kuFacebook ukuze uthole izindaba ngolimi lwakho