Uzimisele nokuqhubeka azinze kwiChiefs uShabba

Johannesburg – Umdlali waseswini waKaizer Chiefs uSiphiwe Tshabalala  usezwakalise ukuthi uzimisele ngokuqhubeka nokuzinza kuleli qembu uma inkontileka yakhe iphela ngonyaka ozayo.  

Inkontileka kaShappa naMakhosi kulindeleke ukuthi iphele ngoJuni 2015 kanti ngesikhathi ekhuluma ne-KickOff lo mdlali oneminyka engu-30 ubudala uzwakalise ukuthi angakujabulela ukusayina inkontileka entsha naBafana bokuThula noXolo.

“Inkontileka yamiiyaphela ngonyka ozayo …… asikaziqali izingxoxo yenkontileka entsha okwamanje,” kusho lo mdlali.

OLUNYE UDABA: IChiefs ayeneme ngolukaShabba

“Ngingumdlali weKaizer Chiefs futhi ngijabulile, ngiphatheke kahle kakhulu eqenjini.

Okwamanje ngisengumdlali waMakhosi. Ngisenenkontileka nayo,” esho. 

UShabba usehlale kuMakhosi kusukela ngoJanuwari 2007 esuka kwiFree State Stars kanti ubalwa nabanye abadlali abawugogodla waleli qembu.

Le sizini ayiqalanga kahle kulo mdlali njengoba esanda kubuya ekulimaleni okumhlalise amasonto engalithinti ibhola.

    - “Like” ikhasi lethu kuFacebook ukuze uthole izindaba ngolimi lwa

      - Landela IzindabaNews24 kuTwitter