Uzobe enetwetwe ozovala esikaKhune - Meyiwa

Johannesburg – Unozinti we-Orlandio Pirates uSenzo Meyiwa uthe noma ngabe yimuphi unozinti ozobe evale isikhala sika-Itumeleng Khune kowamanqamu e-MTN8 uzobe egcwele amanzi emadolweni.

Ngokubika kwe-KickOff uMeyiwa ukubeke kwacaca ukuthi ozovala isikhala sikaKhune uzobe esaba ukudlala phambi kwezinkulungwane zabantu kulo mdlalo ozoba seMoses Mabhida eThekwini ngoMgqibelo.

Njengoba uKhune elimele uStuart Baxter usalelwe wumsebenzi omkhulu wokuthatha isinqumo sokuthi uzosebenzisa muphi unozinti phakathi kukaBrilliant Khuzwayo noReyaad Pieterse abangajwayele ukudlala.

OLUNYE UDABA: Usekhonjwa komunye uSenzo Meyiwa

UMeyiwa kuthiwa uthe ukholelwa wukuthi njengoba uKhune engeke adlale ngenxa yoklimala eqakaleni iBhakabhaka lingazenzela umathanda kulabo nozinti.

“Noma ngabe wubani ozonikezwa ijezi lokuba semapalini ngoMgqibelo uzobe egcwele ukwesaba.

Lokhu ngiyakwazi ngoba akulula ukubhekana ne-Pirates, yingakho kuzomele sisebenzise lokhu ukuze sowunqobe lo mdlalo,” kusho uMeyiwa enanela ngokuthi bazolikhahelela ipali ngeke balidlalise.

UMeyiwa uyamazi uPeiterese ngoba uke waziqeqesha namabhakabhaka phambilini.

   - “Like” ikhasi lethu kuFacebook ukuze uthole izindaba ngolimi lwakho

    - Landela IzindabaNews24 kuTwitter