Johannesburg – Uzokwandulelwa yindumezulu yekhonsathi umdlalo wamanqamu weTelkom Knockout phakathi kweSuperSport United nePlatinum eGoli ngoMgqibelo.
Ngokubika kwe-KickOff le khonsathi izobe ibophele izinkakha zabaculi noDJ okubalwa kubo uVincent Bones osanda kuhlabana emncintiswaneni wamaSA Idols, HHP, Pro, Chomee noGlen Lewis njengoba izoqala ngo-12:00 emini bebade.
Umdlalo wamanqamu kulindeleke ukuba uqale ngo-03:00 ntambama kanti amasango azovulwa ngo-11:00 ekuseni.
IPSL inxusa abalandeli ukuthi basheshe bafike enkundleni ukuze bakwazi ukuzithokozisa ngomculo nangeminye imititilizo ezobe ikhona yokujabulisa abantu kanti kuzobuye nendawo yokujabulisa ngeziphuzo e-Orlando Stadium futhi abalandeli bazoba nehora lokujabula.
OLUNYE UDABA: Kumele siyinqobe i-TKO - September
Isikhulu esiphezulu sePremier Soccer League uBrand de Villiers uthe basebenze kanzima ukuhlangani okuzokwenzeka ngoMgqibelo njengoba befuna kube wusuku lomndeni.
Uveze ukuthi abalandeli bokuqala abangu-2000 bazothola izigqoko zeTelkom Knockout kanti kuzobuye kube nemiklomelo ngaphakathi lapho abalandeli bangazihlomulela ngemiklomelo eyahlukene okubalwa i-DSTV Walker, DSTV Explorer nomakhalekhukhwini abasezingeni eliphezulu.
Amathikithi abiza phakathi kukaR40 noR80 bese kuthi azingane ezingaphansi kweminyaka engu12 abize uR10 njengoba etholakala eComputickets ezweni lonke.
- “Like” ikhasi lethu kuFacebook ukuze uthole izindaba ngolimi lwakho