Woza Bhakabhaka sikulindile - Johnson

Pretoria - Umqeqeshi weSuperSport United uCavin Johnson uthi ulindele umdlalo onzima nozoba mnandi kwababukele uma ezakhe sezizwana amandla ne-Orlando Pirates kowe-MTN8, e-Orlando Stadium ngempelasonto.

UJohnson uthe iPirates ihlezi ibabhincisela nxanye uma behlangene nayo, ikakhulukazi njengoba izobe idlalela ekhaya, kepha wathi bagcwele ukuzethemba, kubika iKickOff.com.

“Sesiwubheke ngabomvu umdlalo wangempelasonto. Sizobe sidlalela e-Orlando ebusuku, kodwa ngingakusho nje kugcwale umlomo ukuthi abafana bami sebemi ngomumo," esho.

“IPirates iyohlezi iyiqembu elinejubane. Alincengani linjalo nje linabadlali abanohlonze.

"Angicabangi ukuthi bakhona abadlali abazongena endaweni ka-Oupa Manyisa, Siyabonga Sangweni, Lucky Lekgwathi noma uSenzo Meyiwa, nokuchaza ukuthi basanesikwati esifanayo," esho.

 - “Like” ikhasi lethu kuFacebook ukuze uthole izindaba ngolimi lwakho