Cape Town – Isikhulu esiphezulu seBloemfontein Celtic uKhumbulani Konco uyavuma ukuthi bebengakulindele ukwesula kukaClinton Larsen kwesokuqeqesha.
ULarsen kubikwe ukuthi ungaphansi kwengcindezi ngemuva kokungayiqali kahle isizini njengoba bekwaze ukunqoba imindlalo emine kuphela kwengu-11.
Ukwesula kwakhe kulandela izingxoxo ebeziphakathi kwabaphathi nethimba labaqeqeshi.
Funda nalolu daba: 'Mancane kakhulu amathuba okunqoba kweBhakabhaka'
Kubhekisiswe indlela elidlala ngayo iqembu, uLarsen wabe esebona kungcono esule esikhundleni.
“Uma ngikhuluma iqiniso nje, sisathukile ngesinqumo esithathwe uClinton njengoba besingalindelekile,” kusho uKhumbulani Konco.
Khonamanjalo, uDuncan Lechesa useqokwe njengebamba likamqeqeshi, uLehlohonolo Seema yena uzosigcina isikhundla sakhe sokuba ngumsizi kamqeqeshi.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.