I-Ajax Cape Town isizodlala koweCAF

Johannesburg - Iqembu le-Ajax Cape Town selizodlala emqhudelwaneni weCAF Confederation Cup ka-2016 nakuba phambilini beselizwakalise ukuthi liyahoxa.

I-Urban Warriors ngeleldule imemezele ukuthi iyahoxa kulo mqhudelwano, ikhala ngokuphepha kwabadlali nangobunzima bokuhambela ezweni lase-Angola.

Kodwa iSafa ibingeneme ngokuhoxa kwaleli qembu, yabamba umdlangano ukudingida lolu daba.

Manje sekuqinisekiswe ukuthi i-Ajax yalelwe ukuba ihoxe, ngakho leli qembu lizoya e-Angola ngempelasonto.

Funda nalolu daba: 'IWits ifake iChiefs ekilasini'

“I-Ajax izodlala koweCAF,” kusho umthombo okhulume neKickOff.com.

“Izikhulu zase-Angola zizophothula imininingwane neqembu maduzane, kodwa i-Ajax izohamba ngempelasonto.”

I-Ajax izobhekana ne-Esperança eLunda Norte ngoMgqibelo ntambama.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).