I-SAFA ilindele incazelo ye-Ajax ngolwe-CAF

Johannesburg - Izikhulu ze-Ajax Cape Town zizohlangana neze-SAFA ukuze zichaze kabanzi ngezizathu zokuthi iqembu lihoxe kowe-CAF Confederation Cup.

Ama-Urban Warriors ngoLwesihlanu amemezele ukuthi ngeke abe yingxenye yomqhudelwano, ethi ayahluleka ukuqikelela ukuphepha kwabadlali bawo, okumele engabe bayodlala e-Angola ngempelasonto ezayo.

OLUNYE UDABA: I-Ajax ixwayisa ngabaqola ngegama leqembu

I-Ajax ingase ivalwe emincintiswaneni ye-CAF iminyaka emithathu bese iyahlawuliswa.

Umqeqeshi we-Ajax uRoger de Sa uqinisekisile ukuthi umhlangano wabo ne-SAFA umayelana nalolu daba, kubika iKickOff.com.

"Sizame konke, kepha sangathola lutho kubo. Ngeke sikwazi ukuzibeka engcupheni. Injalo nje indaba.”