Ibheke u-Erasmus ingqungqulu yePirates

Johannesburg - Owayengumdlali we-Orlando Pirates uJerry Sikhosana utshele iKickOff.com ukuthi ulindele ukuba uKermit Erasmus adlale indima enkulu emlenzeni wesibili wamanqami eCAF Confederation Cup ngeSonto.

IBhakabhaka lizobhekana ne-Etoile du Sahel eSousse kanti uSikhosana, owanqoba iCAF Champions League nePirates ngo-1995 ubalule u-Erasmus njengomdlali okumele azibonakalisa kulo mdlalo.

Funda nalolu daba: Umqeqeshi uthi uyasihlonipha isinqumo sePirates

“Leli qembu lePirates linakho konke, kodwa uma ufuna umdali ongenza into ebonakalayo, lowo ngumdlali ogqoka ijezi namba 95 [u-Erasmus]. Ngithembe yena ukuba enze into ebonakalayo, asenze sizigqaje ngeqembu,” usho kanje.

“Ngikholelwa ukuthi wayengenza kangcono emlenzeni wokuqala, kodwa siyazi ukuthi uma u-Erasmus edlala kahle neqembu lidlala kahle.”

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).