Cape Town – I-Orlando Pirates isikhiphe isitatimende ku-website yayo iphendula izinsolo ezithi kunomdlali wayo otholakale nezidakamizwa zohlobo lwe-cocaine egazini.
ISouth African Institute of Drug Free Sports ngoLwesithathu iveze lokhu ngoLwesithathu.
Lezi zinkunzi zaseSoweto zibe seziphendule ngokukhipha isitatimende, zacela abezindaba ukuthi “badedele lolu daba lulandele imigudu efanele”.
OLUNYE UDABA: Kutholakale isidakamizwa egazini lomdlali wePirates – Umbiko
"Kulandela isimemezelo esenziwe yiSAIDS (South African Institute of Drug Free Sports) ethi omunye wabadlali bethu utholakale nesidakamizwa egazini, iqembu liyaqinisekisa ukuthi liyazi ngalezi zinsolo.
“Okwamanje sisalinde ukuthi umdlali avele ngaphambi kwekomidi eliqondisa izigwegwe, nathi sizokwenza olwethu uphenyo,” kufundeka kanje isitatimende.
IPirates ibe isicela abezindaba ukuthi badedele izinhlaka ezifanele ukuba zibhekane nalolu daba ngaphandle kokuphazanyiswa.