Publications
Partners
Johannesburg - Umdlali wasemuva we-Orlando Pirates, uLucky Lekgwathi, uyavuma ukuthi iBhakabhaka kumele nakanjani linqobe oweCAF Confederation Cup ngoba libeke eceleni okuningi ukuze lifinyelele lapha.
IBhakabhaka lidlale ngokulingana ngo-1-1 ngesikhathi libhekene ne-Etoile du Sahel emelenzeni wokuqala obubanjelwe eSoweto.
Ngenxa yokuthi ishaye igoli ekuhambeni, i-Etoile izoya kulo mdlalo womlenze wesibili isethubeni elihle lokuwunqoba.
Funda nalolu daba: Umqeqeshi ubambe umoya ngomdlali
'UPhinda Mzala' uzwakalise ukuthi kubalulekile ukuba iBhakabhaka liphumelele ngeSonto ngenxa yokuthi kuningi okudingeke bangakunaki kakhulu ukuze babhekane ngqo nalo mqhudelwano.
“Siyeke okuningi njengeqembu ukuze sibhekane neConfederation Cup – uma ubheka indawo esikuyona kwiligi njengamanje uzoyibona into engikhuluma ngayo,” kusho uLekgwathi kwiSoccer Laduma.
“Kuzomele siphethe ngokuthi siyinqobe le nkomishi ngoba ngeke phela sisebenze ngokuzikhandla ngento engekho. Ukuqeda endaweni yesibili kuzokwenza kungabonakali konke esikwenzile ukuze sifinyelele lapha.”
– "Like" ikhasi lethu ku-Facebook uze ukwazi ukujoyina inkulumo ngolimi lwakho.
