Johannesburg – Lowo owayengumgadli we-Orlando Pirates, u-Andries Sebola, uthe kumele iziphathimandla zeqembu zibheke ekutheni zixoshe umqeqeshi u-Eric Tinkler kulandela ukuhlulwa kowe-CAF Confederation Cup ngeSonto.
AmaBhakabhaka ashaywe ngo 1-0 yi-Etoile du Sahel emlenzeni wesibili, kanti u‘Local is Lekker’ uthi sesiphelile isikhathi sikaTinkler kuleli qembu.
“Sekuyisikhathi soguquko, lowo ngumbono wami,” esho etshela iKickOff.com.
“Angikusho lokhu ngoba ehlulwe koweConfederation Cup, kepha uma sibuyela
emaqinisweni nje iPirates ayenzi kahle ngisho ekhaya. Bakhishwa yi-Ajax
kowe-MTN8, iChiefs yabaphinda koweTelkom Knockout.
OLUNYE UDABA: I-CAF inqabe isicelo se-Orlando Pirates
“Kuhlezi kunemibuzo equbukayo njalo uma ekhetha isikwati. Uma ngenza isibonelo nje, ngeSonto waqala ngoGift Motupa ongakaze aqale umdlalo kuPirates. Lo mfana unethalente, kepha kwalilimaza iqembu ukuqala kwakhe umdlalo.
“Kwakumele aqalise uLehlohonolo Masalesa no-Issa Sarr ukuze abadlali abafana noMpho Makola bezokwazi ukuya phambili kakhulu.
“Ngicabanga ukuthi maningi amaphutha enziwa uTinkler, alilimazayo iqembu,” kusho uSebola.