Publications
Partners
Johannesburg - Umqeqeshi weMamelodi Sundowns, uPitso Mosimane, ukholelwa ukuthi iqembu elizobhekana nezakhe koweCAF Champions League, iChicken Inn, akumele lithathwe kancane futhi uthi kumele balihloniphe.
ISundowns izobhekana naleli qembu laseZimbabwe kanti kulindeleke ukuba izidlulele kalula nje kulo mdlalo ozobe ukwaBulawayo namhlanje ngoMgqibelo, kodwa uMosimane akaboni kanjalo.
Funda nalolu daba: UMayambela wethamba ukuthi uBaxter uzomsiza adlale kuBafana
“Asihlalanga phansi sasonga izandla ngesikhathi sizwa ukuthi sizodlala neChicken Inn,” usho kanje etshela iSoccer Laduma.
“Sibafundile futhi siyabazali lapho bemandla ngakhona. Siyabazi lapho bengasilimaza ngakhona, ngakho sizobe sizivikele.”
Lo mqeqeshi uphinde wazwakalisa ukuthi bafuna ukufinyelela kude kulo mqhudelwano.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.
