Johannesburg - Umlandeli we-Orlando Pirates uPhilip Jwarha uthi imashi yanamhlanje - ebimayelana nokufuna ubulungiswa ngokufa kukaSenzo Meyiwa - ibeyimpumelelo.
Bangaphezu kuka-2 000 abalandeli ababuthane eVosloorus Stadium bamasha belibhekise esiteshini samaphoyisa befuna kuboshwe ababulali baSenzo.
USenzo Meyiwa wadutshulwa wabulawa ekuyona le ndawo ngesikhathi evakashele intombi yakhe uKelly Khumalo eminyakeni emibili edlule.
Funda nalolu daba: Namanje abaziwa ababulala uSenzo
"Imashi yaba yimpumelelo. Sihlangane nomphathi wesiteshi, samnika incwadi yezikhalazo,” kusho uJwarha kwiKickOff.com.
"Sifuna ukubonga bonke abalandeli abafike ngobuningi babo emashini. Sibone abebegqoke amajezi eChiefs, iSundowns namanye amaqembu ePSL.
"Sinethemba lokuthi buzokwenziwa ubulungiswa, izigebengu zibhekane nengalo yomthetho.”
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.