Kuzophenywa ngesikhalazo se-Agang SA

Johannesburg - Iqembu i-Agang SA lifake isimangalo ngezinsolo zokuthi i-African National Congress yasebenzisa imali yoMbuso ngesikhathi inikeza abantu ukudla, iqhuba umkhankaso wayo eWestern Cape.

I-Agang ifuna kuphenywe nangezinsolo ezithi i-ANC yasebenzisa imibala yeqembu ezikhangisweni zikahulumeni wesifundazwe saseGauteng.

UMvikeli woMphakathi uThuli Madonsela usethole izimangalo ezintathu ezifakelwe i-ANC, kusho umbiko.

"UMadonsela uthole izimangalo ezintathu, esisodwa esifakwe yiDemocratic Alliance kanti ezimbili zifakwe yi-Agang SA," kusho umkhulumeli kaMadonsela u-Oupa Segalwe.

Isimangalo se-DA sihlobene nokhetho lokuchibiyela olwaba seTlokwe, ngonyaka owedlule. I-DA isola ukuthi i-ANC yanikeza abantu amaphasela okudla ngaphambi kokhetho lokuchibiyela.

Iphephandaba iSunday Times, labika lathi i-DA ifuna ukufaka i-ANC nabeSA Social Security Agency (Sassa) enkantolo, ngezinsolo zokuthi banikeza abantu amaphasela okudla emaralini e-ANC.

Kuzophenywa ngazo zonke lezi zehlakalo.

Disclaimer:INews24 iqhakambisa ukukhuluma ngokukhululeka nokuzwakaliswa kwemibono eyahlukene. Lokho kuchaza ukuthi imibono yababhali bezingosi eshicilelwe kuNews24, akuyona imibono yeNews24.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).