Publications
Partners
Durban - Akumele abahlali baseThekwini balahle ivoti labo ngokuthi bavotele amaqembu amancane, kusho umholi weDemocratic Alliance uHelen Zille.
UZille usho kanjena ekhuluma eseThekwini ngoLwesibili, ngaphambi kokuthi kubanjwe ukhetho lokuchibiyela oluzokuba ngoLwesithathu.
"Kumele nivotele iqembu elibonakalayo ukuthi liyakhula, neselenze umsebenzi obonakalayo," kusho uZille ekhuluma nabahlali ePhoenix naseChatsworth,
UZille uthi uma abantu bevotela iqembu lakhe, iqembu lizosebenza ngokuzimisela ukufeza izethembiso, wathi bazosebenzela abantu usuku nosuku.
Kuzobanjwa ukhetho emawadini amabili ngemuva kokuthi amakhansela eMinority Front uBradley Singh noRonnie Pillay, baqembukela kwi-DA ngenyanga ka-Ephreli.
"Womabili amakhansela aqembukela kwi-DA ngoba eyibona ukuthi ingenza okungcono," kusho uZille.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.
