Publications
Partners
Johannesburg - Umholi we-African National Congress (ANC) uJacob Zuma usenxuse abavoti ukuthi bangalokothi bavotele amaqembu abunjwa ngabantu ababegajwe yintukuthelo, kubika iSABC.
Kuthiwa ukusho lokhu ebhekise ku-Economic Freedom Fighters, kepha wangalibeka ngembaba.
UZuma ukhulume kanje ngesikhathi ekhuluma nabalandeli eMmadietane, eGa-Matlala, ngaphandle kwasePolokwane, eLimpopo.
“Abanye babo bafakwa amasondo nguKhongolose ngenxa yokuthi babengaziphethe ngendlela. Babengafuni ukutshelwa, bethukuthele. Yini ongayitshelwa ngabantu abahola amaqembu asungulwa ngenxa yentukuthelo?” kubuza uZuma.
Umengameli unezezele ngokuthi: “Iqembu kumele libe nezinhloso ezithile. Ngabe yini inhloso yakho uma ubumba iqembu ngemuva kokuthi uxoshwe kwelinye?”
Khonamanjalo, umholi weNational Freedom Party, uZanele kaMagwaza-Msibi, ubegaya ivoti eBizana, e-Eastern Cape.
Uthe babalelwa ku-700 abantu abajoyine iqembu lakhe ngoba bekhala ngokuthi i-ANC ayibanakile abantu abahlala ezindaweni ezisemakhaya.
Kuthiwa ukusho lokhu ebhekise ku-Economic Freedom Fighters, kepha wangalibeka ngembaba.
UZuma ukhulume kanje ngesikhathi ekhuluma nabalandeli eMmadietane, eGa-Matlala, ngaphandle kwasePolokwane, eLimpopo.
“Abanye babo bafakwa amasondo nguKhongolose ngenxa yokuthi babengaziphethe ngendlela. Babengafuni ukutshelwa, bethukuthele. Yini ongayitshelwa ngabantu abahola amaqembu asungulwa ngenxa yentukuthelo?” kubuza uZuma.
Umengameli unezezele ngokuthi: “Iqembu kumele libe nezinhloso ezithile. Ngabe yini inhloso yakho uma ubumba iqembu ngemuva kokuthi uxoshwe kwelinye?”
Khonamanjalo, umholi weNational Freedom Party, uZanele kaMagwaza-Msibi, ubegaya ivoti eBizana, e-Eastern Cape.
Uthe babalelwa ku-700 abantu abajoyine iqembu lakhe ngoba bekhala ngokuthi i-ANC ayibanakile abantu abahlala ezindaweni ezisemakhaya.
- “Like” ikhasi lethu kuFacebook ukuze uthole izindaba ngolimi lwakho
