UMbete usebenzisa usiko ukuvikela inkohlalo - DA

Johannesburg -  USihlalo we-ANC kuzwelonke uBaleka Mbete uvikela uMengameli Jacob Zuma ngokusebenzisa usiko ukuba avikele inkohlakalo ngodaba lwaseNkandla, kusho lowo ongumholi we-DA ePhalamende uLindiwe Mazibuko.

"Amazwi akhe singasho nje ukuthi ayimizamo ephunzile ngokuzama ukufihla ihlazo elenzeka eNkandla, ngokuthi acashe ngosiko," kusho uMazibuko esitatimendeni.

Uthe uMbete ungomunye wobhululu bakaZuma ababuye bazigwaze ngowabo bethi bazama ukuvikela uZuma ukuba abhekane nokwenzeka.

"Lokhu akukhona nje kuphela ukubukela phansi usiko lwethu, kepha kungukudelela abantu bakuleli abalinde ukuzwa izimpendulo ngokuthi kwenziwani ngo-R260m owasetshenziswa kulungiswa umuzi kamengameli," kuqhuba uMazibuko.

Uthe i-DA ngeke ize iphumule kuze kuba ithola izimpendulo ngalolu daba.

Lokhu kulandela ukuthi uMbete ekhulume wathi uMvikeli woMphakathi uThuli Madonsela wagxambukela kwezinye izinto ngombiko waseNkandla.


 

 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter