UMbete uthi i-ANC ingase isebenzisane ne-NFP

Johannesburg - USihlalo eqenjini i-African National Congress uBaleka Mbete, ukhulume ngoLwesine wathi kungenzeka iqembu lizame ukuhlanganisa ubudlelwane neNational Freedom Party, esifundazweni saKwaZulu-Natal, ngemuva kokhetho.

UMbete usho kanjena ekhuluma nabezindaba eKapa, wathi i-NFP eyahlubuka eqenjini iNkatha Freedom party, yilona qembu elingase lisebenzisane ne-ANC uma sekubuywa okhethweni lomhlaka-7 Meyi.

"Asime silinde sibheke ukuthi kuzokwenzekani. Umholi we-NFP uzimisele ngokungena ePhalamende, asazi yini ezokwenzeka," kusho uMbete.

Emasontweni amabili edlule, amalungu e-IFP angaphezu kuka-100 aqembukele kwi-ANC.

"Kucacile ukuthi zizokwehla izibalo ze-IFP," kuqhuba uMbete.

Usihlalo uveze ukuthi kunamaqembu aseWestern Cape, ahlose ukusebenzisana ne-ANC, wathi amaqembu amaningi asebonile ukuthi uKhongolose yiyona nqola emasondosonddo engayisa izwe phambili.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).