Ufuna ikhefu uTlakula

Johannesburg - UPansy Tlakula onguSihlalo wekhomishana i-IEC, uhlela ukucela ikhefu kuMengameli wezwe uJacob Zuma, lokhu kuza ngemuva kwesiphakamiso seNkantolo yezoKhetho ethi kumele ashiye isikhundla sakhe.

"Umhlonishwa uTlakula uthathe isinqumo sokuthi aphikise iNkantolo yoMthethosisekelo," kusho ummeli wakhe uLeslie Mkhabela.

"Uzophinda acele ikhefu kumengameli wezwe njengoba kuzobe kusaqhubeka uhlelo lokuphikisa inkantolo."

UMkhabela uthi uTlakula usahlaziya isiphakamiso seNkantolo yezoKhetho. Uphatheke kabi ngalesi siphakamiso," kusho uMkhabela.

NgoLwesithathu uJaji uLotter Wepener, uphakamise ukuthi uTlakula asuswe esikhundleni sakhe.

Ikomidi eliphezulu kwisiShayamthetho lizocubungula isiphakamiso sikajaji bese kuthathwa isinqumo esingujuqu.

UMvikeli woMphakathi uThuli Madonsela waphakamisa ukuthi uTlakula athathelwe izinyathelo ngemuva kokuthola ukuthi kwaba nokungahambisi ngedlela ngesikhathi kuqashwa ibhilidi lokusebenzela abakwa-Electoral Commission of SA's (IEC).

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).