16 Apr 2014

Abafowabo bakaPaul Walker efilimini ayeyiqopha

New York - UCody noCaleb Walker, okungabafowabo abancane bomlingisi owashona ngokuzuma, uPaul Walker, sebevume ukuthi badlale efilimini eyabe iqoshwa wuPaul ngaphambi kokuthi ashone, iFast & Furious 7.

Abadidiyeli befilimu bathi izelamani zivume ukushutha iziqembu ezimbalwa, uPaul ashona zingakashuthwa.

UPaul, 40, washona esehlakalweni sengozi yomgwaqo ngenyanga kaNovemba, kwaphoqeleka ukuthi kumiswe ukuthwetshulwa kwefilimu.

'Sihlanganile sabona kukuhle ukuthi sicele izelamani zakwaWalker ukuthi zisilekelele ekuqhubekeni nefilimu iFast & Furious 7. Sizosebenzisana noCaleb noCody," kusho omunye wabadidiyeli.

Umthombo uthi kwaqalwa kwacelwa uCody, okunguye ofana kakhulu nomfowabo.

Kulindeleke ukuthi izelamani zishuthwe zibuqamamana, kuze kungeke kuhlale obala ukuthi akusiye uPaul.

Umbiko ophelele ukhishwe ngabe-bangshowbiz.com.

– "Like" ikhasi lethu ku-Facebook uze ukwazi ukujoyina inkulumo ngolimi lwakho.

– Landela IzindabaNews24 kuTwitter (@IzindabaNews24).

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()