La balingisi, abaxoshwa ngenyanga eyedlule, bazobabela eNkantolo yezabaSebenzi ngenhloso yokuphoqa inkampani kaVundla, i-MMSV Productions ukuba ifake uchatha esikhwameni i-Unemployment Insurance Fund (UIF).
UVundla uthe abameli bakhe bamluleka ngokuthi angafaki lutho ku-UIF yabalingisi.
OLUNYE UDABA: Kuyaphela ngeGenerations yodumo
“Ngenxa yokuthi bebengaqashiwe ngokugcwele, asiphoqelekile ukuba sibakhokhele le mali,” kusho uVundla.
Abalingisi kubikwa ukuthi bazoya kuCommission for Conciliation, Mediation and Arbitration (CCMA) ngomhlaka-14 Okthoba njengoba besaqhubeka nokulwela ukubuyela emsebenzini.
La balingisi baphinde bazwakalisa ukuthi bafuna imali eyangena ngesikhathi kuphindwa iziqephu ezindala zalo mdlalo.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter