Publications
Partners
Los Angeles – Isihlabani somculo wePop, uJustin Bieber, singase sibhekane namacala okwephula umyalelo wenkantolo ngemuva kokubizwa kwamaphoyisa kukhalaza omakhelwane eBeverly Hills ngempelasonto, ngokusho kwabezindaba ngoMsombuluko.
Amaphoyisa athole izimangalo ezine, omakhelwane bekhala ngomsindo kanye nokuziphatha budlabha kwabanye babalandeli bakhe emcimbini obukhona, kubike iLos Angeles Times.
Nakuba singekho isimangalo esesifakwe ngokusemthethweni, izikhulu zomthetho zithe uma amaphoyisa embeka icala, loludaba luzodluliselwa eLos Angeles County Probation Department, kubike i-TMZ, icaphuna izikhulu.
Lokho kungase kwenze lo mculi aboshwe ngoba wephule umyalelo wenkantolo ngecala eledlule, elihlanganisa isigameko sokushaya umuzi kamakhelwane ngamaqanda.
Lo mculi kulindeleke avele enkantolo eMiami ngamanye amacala athweswa wona phambilini, ahlanganisa ukushayela ephuzile kanye namanye amacala okwephula imithetho yomgwaqo.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter (@IzindabaNews24).
