Bashayisana ngamakhanda ababhali beGenerations

Johannesburg – Kuthiwa bashayisana ngamakhanda ababhali bomdlalo wochungechunge iGeneretions njengoba sekudumela emasumpeni ngeziqephu zalo mdlalo ezaziqoshwe  ngaphambi kokuthi abalingisi bangenele isiteleka.

Ngokombiko we-Timeslive ngesikhathi abalingisi abangu-16 bengenela isiteleka kulo mdlalo kwasala abanye abangu-14 abangabonakali njalo kanti ababhali bazama ukuhlanganisa ukuthi bazokwenzanjani ngabo.

Phakathi kwabalingisi abangasingenelanga isiteleka kubalwa  kubalwa uNyembezi Kunene (Jabulani Dlomo), Hlomla Nomvete (Makalo Mofokeng), Ronnie Nyakale (Cosmo Diale) Xoli Zondi (Zodwa)  noCarlo Radebe's (Sello Mvuyane), Tiki Nxumalo (Sompisi).

OLUNYE UDABA: UVavi usenxusele abeGenerations

Kuthiwa ababhali baphithene amakhanda ngengoba iningi lalaba balingisi bancikene nabalingisi abaxoshwa nokuyinto engelula ukuqhuma ukumdlalo ngabo. 

Phambilini umsunguli walo mdlalo uMfundi Vundla walibeka ngembaba ukuthi akazimisele ukwamuleka laba balingisi nakuba kunemibiko ethi babhale incwadi bezwakalisa ukuthi bafuna ukubuyela kulo mdlalo.

Umbiko uveza ukuthi iziqephu ezisele zalo mdlalo zingalingana amasonto amabili.

Kuke kwavela imibiko ethi kungenzeka kubuye abalingi bakudala kulo mdlalo okubalwa kubo uConnie Ferguson (Karabo), Xolile Tshabalala (Julia) noRapulana Seiphemo (Tau) kodwa lokhu kugcine kungaqinisekwanga.  

   - “Like” ikhasi lethu kuFacebook ukuze uthole izindaba ngolimi lwakho

    - Landela IzindabaNews24 kuTwitter