Johannesburg - INational Union of Mineworkers (NUM) ifuna abasebenzi abavukuza igolide abasemazingeni aphansi banyuselwe amaholo ngo-84%, ngokusho kwemiqulu etholwe yiReuters ngoLwesine.
Le miqingo itshengisa ukuthi i-NUM, emele abasebenzi abangu-57% embonini yegolide, ifuna abavukuzi abasemazingeni aphansi bathole umholo ongu-R10 500 ngenyanga.
Abavukuzi begolide abafikayo emsebenzi bahola imali ebalelwa ku-R5 700 ngenyanga, ingabalwa eminye imihlomulo abayitholayo.
OLUNYE UDABA: I-NUM izobamba umhlangano nabasebenzi
Ngenyanga eyedlule imithombo engaphakathi ku-NUM yazwakalisa ukuthi le nyunyana izophakamisa ukuthi abasebenzi abasemazingeni aphansi bahole u-R10 000 ngenyanga.
Izikhulu zikhala ngokuthi lokhu kuzoba nzima ngenxa yokunyuka kwamanani kagesi nokuhamba kancane komsebenzi okuhambisana neziteleka.