Johannesburg – Izoqoshelwa elokishini lodumo eSoweto i-CD ne-DVD yeqembu lomculo
wowokholo iJoyous Celebration.
Ngokubika kweDaily Sun leli qembu lizoqopha
i-album yalo yesi-19 eGrace Bible Church ePimville kusukeka ngoLwesihlanu kuze
kube yiSonto.
Kuzobe kuqala ukuthi leli qembu liqophe i-album yalo elokishini
selokhu kasungulwa.
Kulindeleke ukuthi kugcwale phama kuleli sonto kulezi
zinsuku ezihleliwe zokuqopha njengoba leli qembu liyintandokazi kubathandi
balolu hlobo lo mculo.
ULindelani Mkhize ongomunye wabasunguli baleli qembu
uthembise abalandeli ulozolo lodwa njengoba kuzobe kuqoshwa le album.
OLUNYE UDABA: Ifu elimnyama kushona oweJoyous Celebration
“Uma
ngibheka indlela esizilungiselela ngayo ngishao ngingananazi ukuthi abantu
amabalindele ukubusiseka kodwa,” esho
“Ngeke
bezwe nje umculo omtoti wesimanje kodwa sizophinde sibabuyisele emuva kusukela
beqala ukusithanda,” kusho uMkhize.
Amathikithi okuyoba yingxenye yokuqoshwa
kwale album ayatholakala ezitolo zakwaShoprite/ Checkers naseComputickets
ngo-R150.
Abantu bazophinde banikezwe ithuba lokuzibonela ukuqopha kwaleli
qembu kumabonakude kwi-SABC 1 ngeSonto kusihlwa.
- “Like” ikhasi lethu kuFacebook ukuze uthole izindaba ngolimi lwakho