Pretoria- Isimangalo sedolobha laseTshwane elisifakele abahleli bomcimbi ohoxisiwe, iDinokeng TribeOne Music Festival, okuyiSony Entertainment neRockstar4000, sizolalelwa ngoMsombuluko eNkantolo yeMantshi ePitoli.
Idolobha limangalela abahleli ngoba lifuna sithathwe njengesingekho emthethweni isinqumo sokuhoxiswa komcimbi, kubika i-eNCA.
Okhulumela idolobha uSelby Mokaba uthe abahleli bomcimbi babhedile ngokuhoxisa umcimbi.
Uthe, "Kusithusile ukuzwa izindaba zokuthi umcimbi
awusekho.’
Funda nalolu daba: Ihlehlisiwe ikhonsathi kaNicki Minaj.
Iphephandaba iCitizen libike ukuthi idolobha belizofaka imali engafinyelela ku-R25-million kulo mcimbi.
Umcimbi bekulindeleke ukuba ubenabaculi abangu-150 okubalwa kubona abaculi abafana noNicki Minaj, J Cole, Khuli Chana noDJ Fresh.
Amathikitha abezobiza u-R1 450 umuntu eyedwa.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.