'Ikhwaya eyanqoba iClash of Choirs ifuna imali yayo'

Johannesburg – Kwabonaka izinyembezi zenjabulo ngesikhathi ikhwaya inqoba umncintiswano iClash of the Choirs ngonyaka odlule, kodwa manje akusemnandi, futhi ikhwaya ifuna imali yayo ngokucula kwi-album kaMam Ribs.

Ngokombiko weDaily Sun, ikhwaya yaseKZN eyanqoba lo mcintiswano ngonyaka odlule, eyaziwa ngeTeam Robbie, ithi ayikaze ikhokhelwe ngisho indibilikishi ngokucula kwi-album kaRebecca Malope entsha, ethi- Ama VIP.

Bathi sebezame behluleka ukuxhumana noRebecca kanye noMalinga ukuze bathole izimali zabo.

Amalungu ekhwaya athi manje awasakwazi nokufundela ngenxa yokuthi awanayo imali futhi kunamalungu amahlanu aseshiyile.

Funda nalolu daba: Kuvungame uTwitter umsakazo unqaba ukudlala ingoma

Bathi lesi simo sesibashiye bezizwa bexhashazwe ngabantu ebekade bebathemba, uRobbie noRebecca.

"Ngicabanga ukuthi uRobbie noRebecca babekwazi kahle ababekwenza kuthina. Babazi kahle ukuthi asinalo ulwazi olwanele ngezinto zakulo mkhakha,” kusho ilungu lekhwaya.

URebecca noRobbie baziqhelelanisile nalolu daba, bathi kumele kubizwe isitebele, okuyi-Universal.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.