Isihlabani somculi sisola umkaso ngokukhuluphala

New York – Isihlabani somculi waphesheya kwezilwandle uJohn Legend sisola umkaso uChrissy Teigen ngokukhuluphala njengoba simatasa nezinhlelo zokukhiqiza incwadi yokupheka.

Lesi sihlabani sodumo lwengoma eyintandokazi ethi All of Me sithe sikhuluphala ngama-pounds amahlanu njalo uma sigoduka ngoba unkosikazi waso omodelayo oneminyaka engu-29 ubudala umatasa nezohlelo zokushicilela incwadi yokupheka.

Ngokobika kweSowetanlive lo mculi oneminyaka engu-36 ubudala uthe:

OLUNYE UDABA:I-SABC isixolisile ngokwenzeka kwi-7de Laan

“Uma ematasa nale ncwadi uma ngikhona ekhaya ngikhuluphala ngama-pounds amahlanu nakanjani.

"Kwesinye isikhathi ngize ngiphoqeleke ukuthi ngihambele kwezinye izindawo ukuze ngehle emzimbeni!”

Uqhube wathi umkakhe uqhamuka nezidlo ezehlukile futhi ezimnandi kakhulu “ezihlanganisa izimpiko zezinkukhu, ushizi nezinye izinto engingazazi kodwa ezenza kube mnandi.”

Lezi zithandani zashada ngo-2013 kanti ziyakuthokozela ukwenza imicimbi yesidlo yakusihlwa  nabangani.

        - “Like” ikhasi lethu kuFacebook ukuze uthole izindaba ngolimi lwakho

          - Landela IzindabaNews24 kuTwitter