Lokhu kuvezwe ngamaphoyisa ase-Eastern Cape, ngoLwesibili.
"Umfowabo nomunye wesilisa abenaye, batholakale beshonile benamanxeba okudutshulwa ekhanda. Izidumbu zitholakale ngasemfuleni ongaseNext Camp, ngaphandle kwase-East London," kusho okhulumela amaphoyisa uLieutenant Colonel Mtati Tana.
Izidumbu ngezoMbuyiseli Mkutukana, 25, noThanduxolo Zumani, 35.
UTana uthi bebengekho omakhalekhukhwini babashonile.
"Imbangela yokubulala ayikazeki kanti bekungakaboshwa muntu ngalesi sehlakalo. Amaphoyisa ayaphenya," kuqinisekisa uTana.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter (@IzindabaNews24).