Kulindeleke ulozolo kuCassper noToya

Johannesburg- Kulindeleke bakhiphe ulozolo lwengoma abaculi bakuleli abangaconsi kubalandeli babo abamatasa ngokuqopha ingoma ndawonye.

Ngokubika kwe-Drum uCassper Nyovest oqokwe emikhakhena eminingi kukamaChannelo O Music Awards noToya Delazy bamatasa bahlanganisa ingoma ndawonye kanti kulindeleke ukuthi izwakale maduze.

OLUNYE UDABA: U-AKA uphawula ngoluthinta uCassper Nyovest

Kuzokhumbuleka ukuthi uDelazy naye wagila ezibukwayo nge-albhamu yakhe yokuqala ewola izindondo emicimbini eyahlukene.

Kuthiwa laba baculi uCassper noToya bafake izithombe zabo besesitudiyo ezinkundleni zokuxhumana kodwa bangayiveza iminingwane eminingi. 

UToya ungumzukulu womsunguli weqembu lezepolitiki Inkatha Freedom Party inkosi Mangosuthu Buthelezi. 

UCassper unengoma eshisa izikhotha kulezi zinsuku esihloko sithi ‘Phumakimi’ kanti uzakhele udumo ngesihloko sithi ‘Doc Shebeleza’ okuyiyona aqokwe ngayo kumaChannel O Awards.

   - “Like” ikhasi lethu kuFacebook ukuze uthole izindaba ngolimi lwakho

    - Landela IzindabaNews24 kuTwitter