Durban - Umndeni womculi weKwaito, uTzozo, uluqale kabuhlungu usuku lwangoLwesibili, ngesikhathi kushiswa umuzi wawo oseMgababa, eningizimu neTheku.
Kulo muzi bekuhlala umshana kaTzozo, uZama Hlatshwayo, 23, nezingane zakubo.
Ithimba lezindaba zeDaily Sun, litheleke ngezithuba zawo-04:30 ekuseni, abasebenza ukucisha umlilo sebekwazile ukuwuhangula.
Ngokusho kukaZama, umuzi ushiswe yisoka lakhe, elingubaba womntanakhe wesibili.
UZama uthi ubaba wengane uvukwe yisikhwele ngesikhathi embona ehamba nobaba wengane yokuqala.
Uthi ngaphambi kokuthi lishise umuzi, lifike lamshaya ngesipanela.
“Ngizame ukulwa nalo ngilekelelwa odadewethu, sagcina sibalekele kwamakhelwane. Ngemuva kwesikhathi sizwe umsindo sathi uma sibheka sathola ukuthi umuzi uyasha."
– "Like" ikhasi lethu ku-Facebook uze ukwazi ukujoyina inkulumo ngolimi lwakho.