Johannesburg –Kuvungame inkundla yezokuxhumana iTwitter kuvela izindaba zokuthi isikhondlakhondla somsakazo iMetro FM ngeke siyidlale ingoma kaCassper Nyovest esihloko sithi 'Dust2Dust'.
Ngokubika kweSunday Sun zisale zijulukile izikhulu zalo msakazo ngemuva kokulalela le ngoma njengoba sekunemibiko ethi ngeke idlale kulo msakazo.
Kubikwa ukuthi izikhulu zibona le ngoma igxila kakhulu ezindabeni eziyimfihlo futhi iyahlambalaza.
Ukuvela kwalo mbiko kudale umsindo kulo enkundla yokuxhumana njengoba abanye bebehambisana nesinqumo salo msakazo kanti abanye bakhelile ngalesi sinqumo.
OLUNYE UDABA: OweKwaito usaluphika olwe-speedpoint
"Kumele vele bangayidlali! iwudoti, ziningi izingoma ezingcono ngaphandle,"kushicilela u@Nathi_ismyname.
"IMetro FM ayizazi ifuna ukwenzani manje sekunguCassper onephutha ngalokhu akushilo kwiDist2Dust kodwa kwakukuhle okwashiwo u-AKA?" kubuza omunye kule nkundla u-@LebogangPirates.
Nakuba le ngoma isike yazwakala izingxenye zayo kulo msakazo kodwa umbuzo osele wukuthi kumele yini ibe yingxenye yezingoma ezidlala kuwona.
Okuhlukumeza abantu kakhulu wukuthi eka-AKA iyadlala kulo msakazo kodwa ishaywa indiva ekaCassper.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter