Johannesburg – Inkakha yomculo we-jazz uSipho "Hotstix" Mabuse uphume ezishayela eNkantolo yeMantshi yaseLenasia ngemuva kokuhoxiswa kwecala lokushaya nokuthumba ayebekwe lona.
Abamangali bavulela uMabuse icala, baphinde banquma ukulihoxisa.
UMabuse nabanye abantu ababili bakhalelwa ngamasongo kaSigonyela ngemuva kokuthumba nokushaya la madoda amabili emzini kaMabuse oseSoweto.
OLUNYE UDABA: Inkakha yomculi kwelokushaya nokuthumba
Umbiko uthi uMabuse wabamba la madoda ezama ukudayisa i-battery yemoto abayeba kuye.
UMabuse wazinikela emaphoyiseni ngemuva kokudedela abamangali esebalimazile.
Lo mculi ubonakale ephuma enkantolo injabulo ibhalwe ebusweni ngemuva kokuhoxiswa kwecala.