Publications
Partners
Johannesburg – Kubukela sengathi iya kude impi yamagama ephakathi kwabaculi bakuleli u-AKA no-iFani njengoba sekuvele okunye ngokuthengwa kwama-CD alo mrepha oyishaya ngesiXhosa.
Ukubhekana ngeziqu zamehlo kwaqala ngesikhathi u-AKA ebabela enkundleni yokuxhumana uTiwtter mayelana nokuthengwa kwe-albhamu entsha ka-iFani.
U-AKA wakuthola kunzima ukukholwa ukuthi umrepha angadayisa ama-albhamu angu-20 000 ngelanga elilodwa.
OLUNYE UDABA: U-AKA uphika eyokushaya umlandeli ekhonsathini
Lo mculi we-All Eyes on Me waphinde wazwakalisa ukuthi kungenzeka ukuthi iRedds SA yathenga ama-CD ka-iFani ayinqwaba, nokuyikhona okwamsiza ekutheni afinyelele kuleli zinga.
IRedds no-iFani baphika balala ngomhlane ngesikhathi u-AKA esho kanje.
Kepha kuvele okunye ngoLwesihlanu ekuseni ngesikhathi abantu bebonga izipho abazithole kwaRedds, okuyilesi siphuzo esihambisana ne-CD ka-iFani – okungakhomba ukuthi u-AKA wayeqinisile.
