Ngokombiko uThicke ubezishaya isifuba ngale ngoma futhi kuthiwa ubelibeka ngembaba ukuthi nguyena owenze le ngoma.
Kubikwa ukuthi ekhuluma enkantolo uThicke uphumele obala neqiniso lokwenziwa kwale ngoma.
Kuthiwa lo mculi uvumile ukuthi le ngoma ayenziwanga nguyena.
OLUNYE UDABA: Umculi wejazz uthi ngeyakhe iSarafina
“Ngemuva kokukhupha ama-alhbamu angu-6 abhalwe futhi akhiqizwa yimina, ingoma enkulu kakhulu neyenze kahle ibhalwe ngomunye umuntu.
Benginomona futhi bengifuna ukunconywa ngalo msebenzi ,” kusho lo mculi.
Uthe waba nenhlanhla ukuthi wayekhona ngesikhathi uWilliams ebhala futhi ekhiqiza le ngoma.
Uvumile ukuthi nebala le ngoma yabhalwa nguPharrell Williams futhi wakucacisa ukuthi wayenomona ngomsebenzi kaWilliams.
Umbiko udalule ukuthi uThicke ugonyuluke ngalolu daba ngesikhathi kuqhubeka icala elafakwa yizingane zomculi ongasekho uMarvin Gaye zikhala ngokuthi le ngoma kaThicke iBlurred Lines ikotshelwe engomeni kayise ethi Got To Give it Up.
Kubikwa ukuthi leli cala lizoqhubeka ngonyaka ozayo.
- “Like” ikhasi lethu kuFacebook ukuze uthole izindaba ngolimi lwakho