Ngisezingeni eliphezulu kunoCassper - Umrepha

Johannesburg – Kubukeka sengathi ukungezwani kuka-AKA noCassper sekwenyukele ezingeni lomhlaba!

Ukungezwani kwalezi zihlabani zakuleli kwaziwa ngisho e-UK imbala.

U-AKA ubehambele e-UK muva nje ngesikhathi ebuzwa ngokungezwani kwakhe noCassper.

Kodwa u-AKA uphendule ngokuthi akukho abantu abangazikhathaza ngakho, ngoba yena noCassper basemazingeni angafani.

Funda nalolu daba: 'Konke kuhamba kahle eKalawa Jazmee'

“Abantu (baphesheya kwezilwandle) abazilutho ngoCassper kodwa bazi mina nemisebenzi yami,” usho kanje kwiFactory78.

“Ngokwami, kunesizathu esingibeke la, igama lami liphakanyiswe kumaBET, ngimele iNgingizimu Afrika kwi-hip hop njengamanje,” usho kanje.

“Kuzomele ukuqonde ukuthi ngihamba kangakanani. Ngihamba izindawo mina. Ngihambela eNigeria. Ngihambela eGhana. Ngihambela eKenya. Ngihambela eCongo. Ngihambela e-UK. Ngihambela eGermany. Ngeke wangifanisa nomuntu omusha ongakazibonakalisi,” kusho u-AKA.

Impela ukuchoma kunabantu babo!!!

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).