USedibe wayedlala indawo kaNtombi Dhlomo kulo mdlalo.
USedibe, onezingane ezintathu, ugcine ekhethe ukuzikhulumela ngathi yikho okuyiqiniso ngomshado wakhe, kubika iTimeslive.
Lesi sihlabani sikhulume nephephabhuku iTrue Love sathi ziningi izinto ezaholela ekutheni ligcine ligqabuka ifindo likasofasilahlane.
Kwathi indodana yakhe igubha usuku lokuzalwa, uSedibe waba nexhala, wakhala waze wagcina esegodukiswa abangani bakhe.
OLUNYE UDABA: Awusekho umshado - Ciara
"Kwavele kwangathi umqondo uyahamba nje, ngaqala ngakhuluma izinto ezingenamqondo,” esho.
Ekhuluma ngomshado wakhe owagcina ngokufadalala, uSedibe uthe: “Angikaze ngizwe kuthiwa umuntu ushiya umshado ngenhloso. Iqiniso ukuthi mina noLeslie sasingabantu abahluke kakhulu, sifuna izinto ezehlukile empilweni.
“Yebo, sasithandana, kepha ngagcina sengishintsha ubumina ngoba ngithi ngijabulisa yena.”
- “Like” ikhasi lethu kuFacebook ukuze uthole izindaba ngolimi lwakho