Johannesburg - Kubukeka sengathi uPulane Lenkoe uyehluleka ukuphuma ezindabeni muva nje.
Le ntombazane eneminyaka engu-31 ubudala eyenza izifundo ze-law, impilo yayo yaguquka ngesikhathi ivuka izwe lonke selazi ukuthi ibukeka kanjani uma inqunu.
Phela kwaputsuka izithombe zakhe uPulane enqunu kuTwitter, nokuyisenzo okuthiwa senziwa yilowo owayeyisoka lakhe.
UPulane, uthandana nomdlali we-Orlando Pirates, uThandani Ntshumayelo, kodwa imithombo itshele abeTimes Live ukuthi usejola nosomabhizinisi ocebile.
Funda nalolu daba: Lihlehlile futhi elibhekene nomdlali weChiefs.
Imithombo ithi uPulane ulala nosomabhizinisi okunguyena omnikeza imali, ukuze aphile impilo ephezulu.
Usomabhizinisi uziphikile lezi zinsolo, kanti uPulane yena ngakolunye uhlangothi walile ukukhuluma ngazo.
"Angifune lutho oluhlanganise nabezindaba. Ningabhala noma ngabe yini eniyithandayo anginandaba. Wonke umuntu uyazi ukuthi nginoThandani futhi sijabulile,”kusho uPulane.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.