Johannesburg – Isihlabani sikamabonakude u-Andile Ncube usejoyine isiteshi somsakazo esingaphansi kweSABC iRadio 2000 njengomethuli omusha wezemidlalo ngokusho kombiko.
Ngokubika kweSowetanlive uNcube uzosebenzisana nabanye ozakwabo kwezemidlalo okubalwa kubo uKass Naidoo noRomy Titus phakathi nezinsuku kusukela ngelesithupha kuya kwelesikhombisa kusihlwa.
Ngokusho kukaNcube lolu hlelo azolwethula luqukethe ezisematheni zemidlalo eyahlukene emhlabeni jikelele emikhakheni eyahlukene.
“Ukuqala kwami emkhakheni wezikaqedisizungu ngenza izinhlelo zobumnandi nomculo kungisizile ngendlela engethula ngayo ezemidlalo.
OLUNYE UDABA: OweKwaito uhlalise lubhojozi umakhwapheni - Umbiko
Ngizama ngasosonke isikhathi ukwenza okwehlukile kunokujwayelekile uma kwethulwa uhlelo lwezemidlalo ukuze ababukeli nabalaleli bakuthokozele ukubuka nokulale uhlelo lwezemidlalo,” kusho uNcube oke wasebenza emsakazweni i-5FM neTruFM kanti useke waba ngumethuli wezinhlelo kwaSABC 1 waphinde wathula nohlelo lomculo kusona lesi siteshi iLive.
UNcube ungumethuli wezemidlalo kumabonakude kwaseSABC.
Uphethe ngokuthi uyajabula ngendlela izinto ezimhambela ngayo emkhakheni wezemidlalo njengoba esaqhubeka nokukhula kuwona.
- “Like” ikhasi lethu kuFacebook ukuze uthole izindaba ngolimi lwakho