Johannesburg - Umculi oneminyaka engu-32, ubudala uBeyonce usebonakale ebheka umuzi obiza u$21.5 million endaweni yaseChelsea eManhatten ngaphandle komyeni wakhe uJayZ njengoba kunamahlebezi okuthi zimbi izinto emshadweni wabo .
Umthombo ongaziwa utshele abephephandaba iNew York Post wathi: ''Ubengeve ethule ngesikhathi ebheka lo muzi bekungathi kukhona abacashelayo.''
Laba bashadikazi abanengane yentombazane eneminyaka embili ubudala, uBlue Ivy, bahlala esithabathabeni somuzi eTribeca, eNew York.
Lo mthombo uphinde weleka ngokuthi: ''Ngingasho ngiliphinde ukuthi uJay Z ngeke asuke esithabathabeni somuzi anawo manje azohlala kule ndawo."
Izindaba zalo mculi owakhipha iculo eladuma kakhulu iDrunk in Love, nowashada noJay Z ngonyaka ka-2008 ubehambe efuna indawo yokuhlala kulandela umbiko othi azihambi kahle izinto emshadweni.
Kubikwa ukuthi lezi zithandani zithola ukwelulekwa ngomshado, kanti kuzinhlanga zimuka nomoya njengoba uJayZ engumuntu ohlale esocingweni.
- “Like” ikhasi lethu kuFacebook ukuze uthole izindaba ngolimi lwakho