24 Nov 2014

UBonang udlale ngabantu baseThekwini

Zama Nteyi, Daily Sun

Johannesburg - Isihlabani sikamabonakude nomethuli wezinhlelo emsakazweni, uBonag Matheba, wenzele abalandeli phansi ngesikhathi behambele umcimbi weFood, Fashion and Music epaki.

UBonang bekufanele aphathe uhlelo kulomcimbi obuqala ngezithuba zabo-12:00 emini yena wafika ngemuva kwesikhathi ngezithuba zabo-17:00 ntambama.

Okwenza izinto zibe zimbi kakhulu, ukuthi kuthiwa wakhokhisa uMasipala weTheku imali engu-R100 000 ukuba lo mcimbi wenzelwe endaweni yaseMhlanga, eChris Saunders Park, KwaZulu-Natal.

Umthombo okhulume nabeDaily Sun uthe: "Umcimbi waqala ngemuva kwesikhathi esasihleliwe ngoba bonke abantu babelinde uBonang kodwa kwathi la abantu sebeqala behamba, kubonakala ukuthi uBonang akaqhamuki kwacelwa uBrenda Mhlongo ukuba aqale umcimbi."

OLUNYE UDABA: Usuka kude uBonang

Okhulumela abakwaMasipala uThembinkosi Ngcobo ukuqinisekisile ukuthi uBonang akafikanga ngesikhathi.

Ngesikhathi abeDaily Sun bezama ukuxhumana noBonang, uvele wahleka wabe esevala ucingo.

Sikhashana nje wathumela umyalezo othi: "Ube nosuku olumnandi sithandwa, Bonang."

- “Like” ikhasi lethu kuFacebook ukuze uthole izindaba ngolimi lwakho

- Landela IzindabaNews24 kuTwitter

- Thola ezinye izindaba zeDaily Sun kumakhalekhukhwini wakho

- Thola izindaba zeDaily Sun kuFacebook

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()