New York – Kuthiwa umculi waphesheya uChris Brown uphushe ngesihluku
owesifazane ongumlandeli ozame ukumqabula ngesikhathi esendaweni yokujuxuza eHouston.
Ngokombiko we-Drum uBrowm ubenandisa kule kilabhu ngempelasonto.
Kubikwa ukuthi
lesi sigameko senzeke ngesikhathi uBrown noKerreuche Tran behamba phakathi kwesixuku
sabathandi bobumnandi abebephume ngobuningi kule ndawo yokujabula.
OLUNYE UDABA: Usazobhadla uChris Brown
Umbiko uveza ukuthi owesifazane ungene phambi
kuka Brown obeqashwe ngabaqaphi bakhe wazama ukusondeza umlomo wakhe
nokuyilapho lo mculi emphushele ecele kanzima ngesikhathi abanye besifazane
bebehayiza yinjabulo yokubona lesi sihlabani.
Kuvela ukuthi lona wesifazane
akalimalanga kulesi sigameko kanti asimcasulanga lesi senzo kulo mculi njengoba
eqhubekile nokujuxuza nabanye abesifazane abahambisana nabo kulo mcimbi.
Kuzokhumbuleka ukuthi uBrown usanda kubhadla ejele isikhathi esingangezinyanga
ezintathu ngecala elihlobene nokuhlukumeza owayeyisithandwa sakhe uRihanna.
- “Like” ikhasi lethu kuFacebook ukuze uthole izindaba ngolimi lwakho