UChris Brown uthi basazoba ngabangani noRihanna

New York  - Isihlabani somculi wase-US uChris Brown sesiphumele obala sathi sikholelwa wukuthi sisazoqhubeka nokuba wumngani noRihanna nakuba amshaya ngo-2009.

Ngokombiko we-Timeslive lo mculi oneminyaka engu-25 ubudala usanda kuqeda isigwebo sezinyanga eziyisithupha zokwenza umsebenzi womphakathi walengiselwa emihlanu ngokushaya uRihanna  naye ongumculi. 

Kubikwa ukuthi lo mculi uthe ukholelwa ekutheni kuyohlale kukhona into ebahlanganisayo futhi unethemba lokuthi bazoqhubeka babe ngabangani ngokuhamba kwesikhathi. 

OLUNYE UDABA: UBrown uphumele obala ngokubhadla ejele

Ekhuluma kwi-Access Hollywood uthe:

“Mina noRihanna singabangani. Siyazwana kakhulu ayikho inking.

Sesibe ngabangani iminyaka engaphezulu kweyishumi futhi angiboni ukuthi  lokhu kuyoke kushintshe,” kusho lo mculi oyintandokazi.

Kuzokhumbuleka ukuthi uke wachitha izinsuku ezingu-108 ebhadle ejele ngemuva kokusabisa ngokusebenzisa izibhamu zakhe ngesikhathi esalengiselwe iminyaka ngamacala abebhekene nawo.

Phambilini uBrown uveze ukuthi ufunde lukhulu ngesikhathi esengaphakathi ejele futhi ukubona lokhu kwenzeke ngesikhathi esifanele empilweni yakhe.

   - “Like” ikhasi lethu kuFacebook ukuze uthole izindaba ngolimi lwakho

    - Landela IzindabaNews24 kuTwitter