30 Jul 2014

UMbau uthi naye usebumnyameni ngobudlelwane bakhe

Johannesburg - AbeSowetan Live baxoxe noKhanyi Mbau ngesikhathi kusalungiselelwa ukushuthwa kwesizini yakhe yesibili yohlelo iKatch it with Khanyi.

Sikhulume ngomibiko osanda kukhishwa mayelana nobudlelwano bakhe nesihlabani seKwela Tebza, uTebogo Lerole.

U'Queen of Bling' noTebogo bebesematheni kulezi zinsuku kanti abanye babafanisa nezithandani zaphesheya uJay noBeyonce.

UMbau, nobebukeka ekhululekile, uthe uyazi ngezinkulumo ngobudlelwano bakhe noLerole, wathi nokho konke okukhulunywayo kuyize leze ngoba ngendlela abematasa ngayo ngomsebenzi akakwazanga ukugxila ezindabeni ezibikiwe ngaye.

Uthi naye usazama ukuthola ukuthi kwenzekani ngempela, kubika abeSowetan Live.

UMbau uqhube wathi: “Angazi ngempela ukuthi kwenzekani angikakasitholi isikhathi sokubhekana nezinkinga zami kodwa uma sengazi nabantu bazokwazi.”

Umbiko wakamuva wephephabhuku iDrum ‘uveze izinkinga zezimali’ njengayonanto edala uqhekeko kulezi zithandani.

Laba baqala ukuthandana ngo-2011.

- “Like” ikhasi lethu kuFacebook ukuze uthole izindaba ngolimi lwakho

- Landela IzindabaNews24 kuTwitter

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()