UMkhandlu uqoke osaziwayo ngokuheha izivakashi

Richards Bay – UMkhandlu woThungulu uqoke osaziwayo abahlukene abadabuka ngaphansi kwezindawo ezakhelene nawo ukuba babe ngamanxusa okuheha abavakashi. 

UMkhandlu Uthungulu, oholwa yiMeya uThembeka Mchunu, wakhelene nezindawo eziningi ezahlukene kanti ubalwa nabanye abakhulu esifundazweni KwaZulu Natal.

Lo mkhandlu ugabe ngesikhumulo sezindiza, ichweba, iziqiwi, ulwandle kanye nezinye izindawo ezinomlando onzulu okuhlanganisa nesikhungo semfundo ephakeme iNyuvesi yaseZululand (uNgoye). 

OLUNYE UDABA: Bahlukene uKhaya noNomzamo

Phakathi kosaziwayo abaqokwe  ukuthi babe ngamanxusa kubalwa uJessica Nkosi odlala indawo kaQondi emdlalweni Isibaya, Phindile Gwala odlala indawo kaNonny kwiMuvhango, uDumo Cebekhulu ongumethuli wezinhlelo kwi-1 KZN TV, DJ Franoz, DJ Ankel noJabulani Shandu. 

Echaza ngokuqoka kwakhe uJessica uthe uzizwa ehloniphekile ukuthi ahlonishwe nguMkhandlu adabuka kuwona.

“Ngiyintombazane nje ekhulelele Esikhawini eyenza into eyithandayo okuwulingisa.

Ngikhumbula ngifika eGoli uma ngitshela abantu ukuthi ngisuka eKZN babengibuza ukuthi ngeTheku.

Ngangibatshela ukuthi ngiseSikhawini kodwa okubalulekile kubona kwakuwukuthi kukude kangakanani kuneTheku,” kuchaza le ntokazi esiphenduke intandokazi kubathandi beSibaya esidlala kuMzansi Magic phakathi nezinsuku.

    - “Like” ikhasi lethu kuFacebook ukuze uthole izindaba ngolimi lwakho

      - Landela IzindabaNews24 kuTwitter