Johannesburg – Isihlabani somdlali webhola likanobhutshuzwayo kuleli uTeko Modise ufuna luvalwe uhlelo olusanda kuqala kumabonakude olubizwa ngeDiski Divas.
Lolu hlelo olumayelana nabesifazane abesebudlelwaneni noma abake baba nobudlelwano nabadlali bebhola luqale ukukhonjiswa ngeledlule.
Ngokubika kweDrum uModise onguimdlali weMamelodi Sundowns akaneme ngokukhonjiswa kwalolu hlelo kumabonakude kanti usefake incwadi enkantolo yokuthi lolu hlelo lumiswe.
OLUNYE UDABA: UBonang Matheba uchitha eyezidakamizwa
Phakathi kwabesifazane ababonakala kulolu hlelo kubalwa uNohle Ndala ojola no-Andile Jali, uGigi Pule othenjiswe umshado uTokelo Rantie, uWendy Parker oshade noBernard Parker, Kat Mohoadube owayejola noJimmy Tau noFelicia Modise owayeshade noTeko Modise.
Lolu hlelo luqale ukukhonjiswa esiteshini esingaphansi kweDstv uMzansi Magic ngeSonto mhlaka 12 ku-Ephreli.
- “Like” ikhasi lethu kuFacebook ukuze uthole izindaba ngolimi lwakho