Johannesburg - Kusaphele kuphela izinyanga ezintathu bebophe ifindo likasofa silahlane, umculi wowokholo uSiphumelele Mbambo, 27, nomyeni wakhe uSakhile Mthembu, 29, sebenezinkinga, kubika i
Daily Sun.
Imibiko ithi uMthembu ubanjwe oqotsheni ejola nesithandwa sakhe sakudala uLondi Couch, 36, waselokishini eNtuzuma.
“Yebo besithandana ngaphambi kokuthi ashade, ngemuva komshado sabe sesihlukana," kusho uCouch.
Ebuzwa uMthembu uqale waphika ukuthi uyamazi uCouch, wacela ukuthi lolu daba lungashicilelwa.
“Ngithokozile emshadweni wami, uSiphumelele uyazi ukuthi ngangithandana noLondi,” kusho uMthembu.
Ebuzwa uSiphumelele uthe akazi ngobudlelwano bomyeni wakhe nalona wesifazane.
“Kade sathandana noSakhile, angazi lutho ngalona wesifazane, kuyaxaka ukuthi usemfaka emzini wethu," kukhala uSiphumelele.
-
Thola ezinye izindaba zeDaily Sun kumakhalekhukhwini wakho
-
Thola izindaba zeDaily Sun kuFacebook –
"Like" ikhasi lethu ku-Facebook uze ukwazi ukujoyina inkulumo
ngolimi lwakho.
– Landela IzindabaNews24 kuTwitter (@IzindabaNews24).
Daily Sun
