Johannesburg – Unontandakubukwa, uKelly Khumalo, akazibekile phansi kulandela amahlebezi athi usezitholele uthando olusha.
Imibiko yephephabhuku iMove ithi uKelly amehlo usewabhekise kwisihlabani somlingisi we-Intersexions esiyindodana yomculi, uRingo Madlingozi, uPhila Madlingozi.
UKelly nendodana kaRingo babonakale bethokomele ekilabhini baze bagoduka bobabili.
OLUNYE UDABA:'Unendoda entsha uKelly Khumalo'
Leli phephabhuku lithi lisabela indodana kaRingo njengoba lithi ukuqalekiswa kukaKelly kwezothando kuzosuleleka kuyo.
Yize kunjalo uKelly akanasikhathi samahlebezi njengoba evele wabhala enkundleni yezokuxhumana u-Instagram ngoLwesihlanu echitha amahlebezi.
UKelly ufake isithombe sakhe enomrepha u-Ifani wabe esebhala ukuthi: "Ngabe yiso isisulu esilandelayo lesi?"
Isithombe:
- “Like” ikhasi lethu kuFacebook ukuze uthole izindaba ngolimi lwakho