Ukhala ezimathonsi owodumo lokulahla umlenze noRingo

Johannesburg - Kubukeka sengathi azishayisani izihlabani zomculo uDr. Malinga owaduma kakhulu ngemfashini yakhe eyikhethelo nengqungqulu yomculo, uRingo Madlingozi.

Isihlabani seculo i-Oteng sithi simkhonzile uRingo kodwa yena akanendaba nakancanae noDr Malinga.

UDr Malinga usivulele isifuba enkundleni yezokuxhumana u-Instagram ngezinto ezimbalwa.

UMalinga udalule ukuthi wakhula ethanda ukulalela umculo kaDr Rebecca Malope nowaRingo Mdlingozi kanti futhi ebathatha njengabazali bakhe bomculo.

OLUNYE UDABA: 'Konke kuhamba kahle eKalawa Jazmee'

UMalinga uhpinde wathi endaweni yaseHammanskraal wayedume ngoRebecca/Ringo kodwa waqala ukuphuka umoya ngesikhathi ehambisa umculo(Demo) wakhe kuRingo owavele wamziba futhi kwangagcina lapho.

"Manje sengiphumele kanti ngibona sengathi uyanizonda ngoba nangesikhathi sisebenza ngeculo lakhe iNqonqo saqale sahilizisana ngaphambi kokuba avume. Ngangithi ngiyamhlonipha njengomunye wabaculi engibathandayo," kusho uMalinga.

UMalinga uthe akananxa noSis'Rebz njengoba wayangisho emgcwabeni ka-anti wakhe wafike wamuhalalisela nangomculo wakhe.

"Kodwa uRingo akanendaba nje, ngibuhlungu kungathi akangazi nokungazi kodwa ke ngisamthanda yize kunjalo," Kubhala uMalinga ku-Instagram.